小芝芝

呢個世界上最開心既事就係可以同你最鐘意既人喺埋一齊

呢個世界上最傷心既事就係同你最鐘意既人相愛而不能愛／又或者根本佢最愛就唔係你

 

 

前個排過左一個唔屬於自己既生活, 出完個trip自後,回復返自己既生活.

 

出trip之前,好厭惡份工, 就好似讀左好多年書,好想做吓野果個感覺, 出trip之後心情好了, 而且又多了一個新挑戰,多左個新range跟,好似咩都重頭開始.

 

我好想我既信仰都可以咁有動力去走. 

呢年同ｄ　ｆｒｉｅｎｄ見多左面，特別係IVE Sha Tin既朋友，　真係得閒就要／想見吓．

 

曾經同其中一班覺得唔係太啱傾，有諗過唔一齊玩．但係呢幾年又唔同左感覺，好啱傾，而且有ｄ咩感情事第一時間會同呢班ｆｒｉｅｎｄ講．同佢地一齊會好舒服，有幾個原因

１．去飲野，可以幫我叫一ｄ我唔識但係好好飲既酒

２．鐘意講咩就講咩，可以講Ｃ奶野，正經野，女人野，男人野

３．可以去Ａ小姐屋企成班玩煮飯仔＆過夜

４．主動約我

５．有成班識路既女＆唔識路既仔

６．最重要係成班都係靓女

 

希望美國既謝西瓜可以快Ｄ返嚟同我地一齊飲返杯

 

 

 

以前好唔鐘意有思念呢種感覺, 因為每每想到那個人那些事就好唔開心. 我會去壓抑住唔比自己去諗唔開心既野, 讓所有既事忘記

 

而家我既諗法唔同左, 其實思念係一種記憶,讓自己成長, 變得不一樣. 當你好想念一個人時, 就去想念吧, 當你記起唔開心既事, 就想起吧. 當你想忘記, 就去忘記吧. 其實就這麼簡單就可以渡過一日.

 

想一想你今天掛念住邊個, 諗起過邊個?

 

我有想起你

最近好想擁有我既第二最愛 Tiffany買馬數字手鈪 , 其實呢隻鈪我鍾意左都有年幾.

 

我記得上次想買既時侯係同幾個同事一齊,當我試上手時, 我覺得唔係咁好睇,好似唔係咁啱我, 所以當時決定唔買啦.

 

但係我依然好掛住隻鈪, 之後又因為好多好多原因冇買呢隻鈪.

 

上星期有日, 有個同事又問我點解我咁鍾意隻鈪 , 而又唔買, 我同佢講如果我真係好鍾意既, 其實我係第一日已經買左在手.

 

回心想了一會, 我一直唔買既原因, 係因為我心裹擁有第一最愛, 我根本就唔需要第二最愛. 而漸漸我已經習慣我唔再擁有呢隻鈪, 其實我都已經試過呢隻鈪, 我亦都知一D都唔啱自己, 但係點解我重咁想買, 我自己都唔知, 或者我相信終有日可以啱帶隻鈪.